കല്പ്പറ്റ: കോണ്ഗ്രസ് വയനാട് ഉപതിരഞ്ഞെടുപ്പ് സ്ഥാനാര്ത്ഥി പ്രിയങ്ക ഗാന്ധി അടുത്തയാഴ്ച വയനാട്ടിൽ എത്തും. ബുധനാഴ്ച നാമനിര്ദേശ പത്രിക സമര്പ്പിക്കും. രാഹുല് ഗാന്ധിയും പ്രിയങ്കയ്ക്കൊപ്പമുണ്ടാകുമെന്നാണ് സൂചന. എന്നാൽ ഉപതിരഞ്ഞെടുപ്പ് പ്രഖ്യാപനം വന്നതിനുശേഷം ആദ്യമായാണ് പ്രിയങ്ക വയനാട്ടിലേക്ക് വരുന്നത്. റോഡ് ഷോയോട് കൂടിയാണ് പ്രചാരണത്തിന് തുടക്കം കുറിക്കുക. വൻ സ്വീകരണ പരിപാടികളാണ് യുഡിഎഫ് ഒരുക്കുന്നത്. എല്ലാ പഞ്ചായത്തുകളിലും യോഗങ്ങള് നടത്തും.
വയനാട്ടില് എല്ഡിഎഫ് സ്ഥാനാര്ത്ഥിയായി ദേശീയ കൗണ്സിലംഗം സത്യന് മൊകേരിയെ സിപിഐ പ്രഖ്യാപിച്ചു. ബിജെപിയുടെ സ്ഥാനാര്ത്ഥി പ്രഖ്യാപനവും ഇന്നുണ്ടാകുമെന്നാണ് സൂചന. നടി ഖുശ്ബു, ബിജെപി സംസ്ഥാന ഉപാധ്യക്ഷ ശോഭ സുരേന്ദ്രന്, മഹിള മോര്ച്ച സംസ്ഥാന ജനറല് സെക്രട്ടറി നവ്യ ഹരിദാസ് എന്നിവരാണ് വയനാട്ടിലെ സാധ്യത പട്ടികയിലുള്ളത്.