ചാലക്കുടി: വാല്പ്പാറയ്ക്കടുത്തുള്ള ഉഴേമല എസ്റ്റേറ്റിൽ ജാര്ഖണ്ഡ് സ്വദേശികളുടെ ആറ് വയസ്സുള്ള കുട്ടിയെ അമ്മയുടെ കണ്മുന്നില് വെച്ച് പുള്ളിപ്പുലി ആക്രമിച്ച് കൊന്നു. കോയമ്പത്തൂരിലെ അനുല് അന്സാരി ഭാര്യയും മൂന്ന് കുട്ടികളുമായി ഇവിടെ ജോലിക്ക് എത്തിയതാണ്.
അതുല് അന്സാരിയും ഭാര്യ നാസിരെന് ഖാട്ടൂനും ആറ് വയസ്സുള്ള കുഞ്ഞ് അപ്സര ഖാത്തൂനും തേയിലത്തോട്ടത്തില് നില്ക്കുമ്പോഴായിരുന്നു ആക്രമണം. പുള്ളിപ്പുലി കുട്ടിയെ വലിച്ചിഴച്ച് കൊണ്ടുപോയി. സംഭവശേഷം പൊലീസും വനംവകുപ്പും സ്ഥലത്തെത്തി കുട്ടിയെ വാല്പ്പാറയിലെ സര്ക്കാര് ആശുപത്രിയിലേക്ക് കൊണ്ടുവന്നെങ്കിലും ജീവന് രക്ഷിക്കാനായില്ല. ഇപ്പോൾ കുട്ടിയുടെ മൃതദേഹം ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റ്മോര്ട്ടത്തിനു ശേഷം കുടുംബത്തിന് കൈമാറും.